Pukapuka 3, Nama 36
18761014

whārangi 374  (8 ngā whārangi)
titiro ki te whārangi o mua373
375titiro ki te whārangi o muri


Tirohia ngā kupu whakataki o tēnei niupepa

 
TE WANANGA. mehemea he mohio aia ki te whahahaere i nga tikanga. mo te iwi. A mehemea koa i ahua tika anu tikanga, penei he nui nga mahi i tukua mai e Te Paremata, hei mahi inana, e ora ai e tupu ai e nui ai. e koa ai ano hoki te iwi Maori, kia tae ai te Maori ki o te Pakeha mahi, me o te Pakeha noho ora i ana mahi pai A nana n» Ta Tanara Makarini i ako te Maori, kia mahi i nga mahi e kake ai te rongo nui o nga Motu nei ki te ao katoa, e kore ai e noho kino. e noho kuare, e i noho ahua tutu te iwi a e mutu ai i te tupato kei oho te riri kino i te iwi. He nui noa atu nga moni, i kiia e To Paremata, hei mahi ma Ta Tanara Makarini, hei whakahaere mana i te iwi Maori. A he nui noa atu ano hoki te whakaae atu a Te Paremata ki nga wha- kaaro a Ta Tanara, Makarini mo te Maori. He mea whakaae e Te Paremata ia tau ia tau he moni ma Ta Tanara Makarini. A kihai taua Paremata i ui ki aia. i hei aha aua moni? Na Te Paremata i whakaae nga I Ture i kiia e Ta Tanara Makarini kia mahia hei Ture mo te Iwi Maori. He kupu kau to kupu a Ta Tanara Makarini ki Te Paremata, kia mea moni e homai maku kia penei he Ture. A whakaaetia ana aua tono ana o Te Paremata. Kahore he whenua ke atu o te ao nei i penei ai te Kawanatanga ki tetahi o a ratou tangata me te mahi pai, huhua kore atu o te Kawanatanga o nga Motu nei, i mahi ai kia Ta Tanara Makarini. A ko tehea i puta i aia, mo aua tini mea i whakamana- I mana nei aia e Te Paremata? Kei te noho pai te Maori O nga Mota nei, ki te pai o nga mahi mo ratou ? Kua nui haere rawa te pai o te iwi Maori. A kei te wha- kapono te Maori ki nga mahi, me nga korero a Ta Tanara Makarini, mo nga miriona moni kua rukea noatia nei eia kia ratou. A tenei ranei tana ingoa te kia paitia ana i enei ra, me nga ra o mua i aia e haere ! a Kawana ana ki nga wahi o nga Motu nei ? I nga ra ona e haere ana me tana ope Pakeha, ara. nga kai whakawa noa. nga Karaka noa. nga kapene noa, nga kai whaka-maori, me nga kai mahi eke hoiho. A e inana ana ranei tana kupu i Te Paremata i enei ra. E inana ana ranei ana whakaaro mo te Maori ana kiia eia ki te iwi.