Pukapuka 0, Nama 74
18880416

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


Tirohia ngā kupu whakataki o tēnei niupepa

 

o Tiamani kia marenatia te tamahine o te wahine o te Emepara, ara te mokopuna tamahine. o Kuini Wikitoria kia Piriniha Arekahanara, na pakeke ana te Minita o te Emepara, ara Te Pihimaaka (Bismark), tukua ana taua. koroke i tana pukapuka whakamahue i te runanga otira kihai te Emepara i pai kia haere atu taua ruanuku o te pakanga ki tana haere, he tangata mohio taua Te Pihimaaka ko ia te kai hautu e titiro ai nga iwi katoa ina ka noho nga kapua taumaru o te pakanga ki nga keokeonga o Ruhia, o Parani, me era atu o nga iwi nunui o Oropi, a ko te taumau o taua mokopuna kua waiho inaianei mo tetahi wa ke atu. E kii ana ka nui te hiahia o Kuini Wikitoria me tana tamahine, te wahine o te Emepara o Tiamani kia marena raua ko Piriniha Arekahanara e puhaehae ana a Tiamani, he wehi pea kei riro atu te mana o Ingarangi he awhina i te tangata whakawaho, o nga rangatiratanga o Oropi ka pehea ranei te tukunga iho, tena pea e kaha a Kuini Wikitoria ki te awhina i tona mokopuna kia riro atu ai a Piriniha Arekahanara he tahu moona mo Piriniha Wikitoria.

 

Ko nga kupu o nga nupepa o Ruhia e kii ana ko te hiahia o Ingarangi kia taumau ai Piriniha Arekahanara kia Pirinihi Wikitoria he mahi whakawai na Ingarangi kia tupu ai he raru mo Ruhia raua ko Tiamani kia whakaturia houtia a Piriniha Arekahanara he Kingi mo Purukearia.

 

Kua kahahuria e te Emepera o Tiamani i tana taakuta, a Ta Morera Makenehi (Sir Morel McKenzie) ki nga mea honore he pai nona ki te mahi ki te mohio o taua taakuta ki te whakahaere i tona mate, e kii ana, tena, e matutu taua Emepara, te Hunaonga o Kuini Wikitori.

 

Kua hinga te runanga o Wiwi tenei taua iwi kei te ngaungau ki nga pootitanga mo nga tangata hou hei runanga mo to ratou whenua.

 

Kia mahara tatou ki te Kaiurungi o nga mea katoa o te ao me tana kii: - "Naku nga kingi i kingi ai, naku nga rangatira i whakatakoto ai i te tika. Naku i whai rangatiratanga ai nga rangatira nga tangata nunui, nga kaiwhakarite whakawa katoa o te whenua."

 

Huihuinga o te Bunanga Nui.

 

[No ROTO I "TE KAHITI O NIU TIRENI."]

 

(L. S.) WM. F. DRUMMOND JERVOIS,

Kawana.

 

Ki nga Rangatira Whakatakoto Ture o te Koroni o Niu Tireni, me nga tangata i Kowhiria i runga i te pooti o te iwi kia tu hei tangata mo roto i te Runanga Nui o taua Koroni nei, i karangatia nei ratou kia hui ki Poneke a te wha o nga ra o te marama o Aperira nei, ki ia tangata o koutou - Tena ra koutou katoa:

 

HE PANUITANGA.

 

NOTEMEA e tu ana ko te wha o nga ra o Aperira nei ko te ra tera i wharitea ai hei ra Huinga mo te Runanga Nui: Heoi ra, mo etahi take kua whakaaro ahau kia whakanekehia atu te ra huinga ki te Taite, te tekau o nga ra o te marama o Mei e haere ake nei, a i runga i tenei kahore he ritenga kia tae noa mai koutou ki Poneke nei a taua wha o nga ra o Aperira nei: Heoti ra ko taku kupu atu tenei ki a koutou katoa ki era atu tangata hoki e tau ana kia rongo ratou i tenei korero, hei te Taite, te tekau o nga ra o te marama o Mei e haere ake nei, i te rua o nga haora i te awatea tae tinana mai ai koutou ki Poneke ki te Whakahaere i nga tikanga o te Paremete i te Whare Paremete i Moroati Tiriti, i te Taone o Poneke, kia whakaaroa ai e koutou nga ritenga o taua Koroni o Niu Tireni, kia whakahaere ai hoki i nga mea e tika ana ki to te mahara.

 

He mea tuku i raro i te ringaringa o His Excellency Sir WILLIAM FRANCIS DRUMMOND JERVOIS, &c., he mea whakaputa atu i te Whare o te Kawana, i Poneke, i raro i te Hiiri o taua Koroni, i tenei te wha o nga ra o Aperira, i te tau o to tatou Ariki kotahi mano e waru rau e waru-tekau-ma-waru.

 

H. A. ATKINSON.

E te Atua kia ora te Kuini !

 

Te Huihuinga a nga Tangata Maori ki Pewhairangi.

 

NA tetahi tangata-maori i tae ki te hui i Pewhairangi enei kupu. I tu ano te huinga tau a nga rangatira Maori ki Pewhairangi i runga i taua wahi-whenua i tino maharatia te hainatanga o te Tiriti o Waitangi ko taua hui katahi nei ka mutu. He whakaminenga nui taua hui i reira nga tino rangatira o nga hapu o Aotearoa. I whakaaetia e nga tangata o taua hui ki a tu a Paora Tuhaere hei whakahaere i nga tikanga o taua hui. Ko nga whaikorero mo nga mahinga ki te taha-maori a te Kawanatanga i nga wa kua pahure nei i tino whiriwhiria i runga i te tautohenga a tetahi a tetahi he nui te amuamu a nga tangata ki nga mahi o te Kawanatanga, i whaka