Nama 3
18951020

whārangi 2  (8 ngā whārangi)
titiro ki te whārangi o mua1
3titiro ki te whārangi o muri


 
KAHITI WHAKAWA WHENUA MAORI [ Oketopa 28, 1895.

HE PANUITANGA KI NGA IWI O AOTEAROA ME TE WAIPOUNAMU.

KIA RONGO NGA IWI KATOA e noho i nga Motu e rua nei. Ara, i Aotearoa me te

Waipounamu. NOTEMEA. — I Whakahaua e Kiingi Tawhiao Te Ahauoterangi Potatau

Te Wherowhero, i roto i tona Kaunihera; i te Kauhanganui o Aotearoa me te Waipounamu.

"Kia Whakawakia nga whenua o nga Iwi Maori e nga Kaiwhakawa e Whakaturia ana e te Ka-

wanatanga o te Kiingitanga Motuhake o te Iwi Maori.

NA, I TE MEA E WHAI HONORE aua ahau i roto i te Kaunihera o te Kiingi, koia ahau ka

Panui atu noi kia koutou e nga Iwi— "Kua Whakamana a AREMETE TE PAEAHU" kia Tu ia hei

"REHITA" mo tuna Kooti Whakawa Whenua Maori, i raro i te MANA o KIINGI TAWHIAO.

Na, he whakaatu tena kiu koutou. — Ko NGA PUKAPUKA TONO KOOTI WHAKAWA WHENUA MAORI

katoa, me tuku atu ki u ia ki Maungakawa.

W. T. TANA TAINGAKAWA TE WAHAROA.

No. 11. Tumuaki o te Kiingitanga.

HE WHAKAMARAMATANGA MO " ETEHI RARANGI O TE TURE. "

(1. ) I muri i te whakataunga a te Kooti, e watea ana i te Ture, te toru marama hei whakaarohanga ma te

hunga i pa he mate kia ratou, i runga i te whakataunga a te Kooti.

(2. ) 1 whakapuaretia taua toru marama hei huarahi mo te hunga e hiahia ana kia whakaarahia ano he Whakawa

Tua-rua mo taua Whenua.

(3. ) Kite hipa nga marama e toru, ka Hiiritia to Hiiri o te Kiingitanga ki runga i te Pukapuka whaka-

taunga a te Kooti. Heoi, hei tino whakapumautanga tena, e kore e tika kia haere mai tetehi Iwi, Hapu, Tangata

ranei ki te whakararuraru i taua Whakataunga a muri atu.

(4. ) E toru whakaarahanga Whakawa mo te Kereeme kotahi, kei te wha ka mutu.

HON. M. TE POKAITARA.

TARI WHAKAWA WHENUA, M. T. Whakawa Whenua Maori.

Maungakawa, Kemureti, Oketopa 9, 1895

WHAKAMARAMA PORAKA.

TONO WHAKAWA TUA-RUA MO WHAKAMARAMA.

" Ture Whakaaetanga Whakawa Whenua Maori, o te Tau 1895. "

——————: o: ——————

HE Panuitanga tenei kia mohiotia ai ka noho te Kooti Whakawa tuarua mo Whakamarama, i te takiwa o

Kihikihi, a te 17 o nga ra o Tihema, 1895; ki to Whakawa: — Ara, ki te Ui-ui i nga tikanga mo runga i te

Tono tua-rua a nga tangata no ratou nga ingoa e man i te rarangi tua-toru o te kupu (Apiti) e mau i raro iho nei.

Ko te ingoa o te Whenua e mau na i te rarangi tua-rua; Ko nga rohe kei te rarangi tua-rima.

Ko nga tangata katoa e whai-take painga ana ki taua whenua, me haere ki Whakamarama, a te ra e mau iho

i runga ako nei. Ki te oti te Waikawa, ka puta te kupu whakatau a te Tiati ki te hunga i kitea te tika e

te Kooti ki runga i taua whenua.

N. AREMETE,

Rehita Whakawa Whenua.