TE WAKA MAORI O NIU TIRANI.
Te Waka Maori.
PO NEKE, TUREI, HURAE 28, 1874. TE PAREMETE.
I TERA nupepa i whakaputa kupu matou mo te mahi whakaaro kore a etahi tangata ki te tahutahu i te koraha i etahi wahi o te motu, a pau nui ana te taonga nui nei a te ngahere i taua tikanga. Ko tenei ka panuitia atu e matou etahi o nga kupu a te Pokera i roto i te Paremete, i korerotia e ia i te 14 o Hurae nei, mo nga waoku, ngaherehere nei, o te motu kia rongoatia; ara i tona tononga kia tuaruatia te panui- tanga o te Pire Ngaherehere o Niu Tirani, ara ;
Tera ano e mahara nga mema, i te mutunga o tera huinga o te Paremete, i mea te Komiti mo nga Mahi Ahu-whenua o te Motu kia tonoa e te Kawanatanga kia whakaaturia mai e nga Kawanatanga Porowini "katoa nga tikanga me nga matauranga katoa e tau ana ki runga ki nga waoku o te motu. Na, i runga i taua kupu, ka tukua e te Hekeretare o te Koroni he pukapuka ki nga Huperitene katoa. He nui te pai, te marama, o nga whakaaturanga mai i whakahokia mai e etahi o ratou, a kua taia hoki aua whakaaturanga i roto i te pukapuka kua whaka- takotoria i te tepa, i te aroaro o te Paremete. Ko te tikanga o taua Pire (taua Ture) he mea nui atu
to te tono kau ki nga matauranga o runga o taua mea;
no te mea he kupu tono kei roto kia whakaritea rawatia etahi ngahere kia tiakina, kia rongoatia, hei taonga nui mo te Motu. He tikanga hou taua tikanga ki tenei motu; he tikanga ia kaore ano kia ata wha- kaarotia e ia i mua ai, katahi ano. I tona haerenga ki te toro i nga taha Tonga o te Koroni, i te takiwa kua taha atu nei, katahi ia ka ata whakaaro ki taua tikanga, ka ata matau hoki ki te nui o te rakau e hiahiatia ana kia tangohia mo nga mahi rerewe me nga mahi o te waea; katahi hoki ia ka ata whakaaro ki te tukinotanga o nga whenua ngahere i te waipuke, me te kino haere o te tu o te rangi a mua ake nei (ara he raki) me ka whakapaua rawatia te ngahere- here. Ko taua tikanga he mea tika kia ata whaka- arotia katoatia; e hara i te mea he tikanga ia e pa ana ki tenei whakatupuranga anake, engari hei tikanga nui ano ia mo era atu whakatupuranga i roto i nga tau e takoto ake nei. Kaore he tikanga nui atu i taua tikanga i roto i te Koroni katoa. I whakaaro ia i te tuatahi me wehe ke he tikanga whakato nga- herehere hou, me wehe ke i te tikanga tiaki i te nga- here tawhito; otira, i runga i tana i kimi ai, i ako ai, kua mohio ia ki te he o te wehe ke i aua tikangaa kua kite ia he tohungatanga kotahi tonu te ata wha- kahaere i te ngahere tawhito me te whakato i etahi mea hou, kotahi ano te tikanga.
Kei te pukapuka kua oti nei te whakatakoto i to ratou aroaro nga matauranga katoa kua taea e ia te kohikohi, e hara i te mea mo nga whenua ngahere o etahi atu motu anake, engari mo nga ngahere o Niu Tirani ano hoki, me nga tikanga kua meatia ki runga ki aua ngaherehere. Kua taia ki tetahi wahi o taua pukapuka nga whai korero o mua i roto i te Paremete o Niu Tirani mo taua tikanga; kei tetahi wahi nga korero i tukua mai ki te Paremete no nga Porowini, no nga Koroni o Aatareeria hoki, mo runga i taua tikanga, a kua whakaaro ia he tika kia huia katoatia ki te pukapuka kotahi aua korero. Tera hoki tetahi, ara ko te korero a Kapene Waka, o Matarahi. Ko taua korero kua rangona nuitia e te ao katoa. No inaianei tonu i tukua mai i Inia te kapi mana o taua korero. Ko tetahi pukapuka mo taua tikanga, kua oti ano e ia te whakatakoto ki te tepa, he mea tuku ki te Kawanatanga o Amerika e tetahi hunga ki reira i huaina ko te Hunga Whakaputa i nga Matauranga. Ko taua pukapuka no enei rangi e rua nei i tae mai ai ki a ia, no reira hoki te taea te ta ki te perehi ka homai ai ki roto ki te Paremete.
THE WAKA MAORI.
WELLINGTON, TUESDAY, JULY 28, 1874. THE PARLIAMENT.
IN our last we made some remarks upon the reckless lighting of bush fires in various parts of the country, and the consequent destruction of extensive and valuable forests. We now give the following abstract of Mr. Vogel's speech in the House, on the conser- vation of forests, when moving the second reading of the New Zealand Forests Bill, on the 14th of July instant:
Honorable members would recollect that at the end of last session, the Colonial Industries Committee brought up a resolution recommending Government to obtain from the different Provincial Governments all the information that could be obtained upon the subject of forest lands. In obedience to that recommendation a circular was written by the Colonial Secretary to the Superintendents. Some of them, in reply, had furnished interesting information, which would be found in the printed paper which had just been laid on the table. The Bill was a step in advance of merely obtaining information ; for it em- bodied a definite proposal for the establishment and management of State forests. The subject was a new one, and one to which personally he had not given much attention until very lately. During the visit which he paid to the southern parts of the
colony, during the recess, his attention was first called the subject, when he was forcibly struck by the large demand which had arisen for timber for railway and telegraph purposes, and also how very great were the injuries caused by floods, and how much deterioration the climate was liable to sustain from the destruction of forests. He felt that the whole subject was one which demanded urgent atten- tion ; it was one which not only affected this im- mediate generation, but would make itself felt in years to come. It was a question of the most importance, if not the question of questions for the colony. In the first instance, it seemed to him that, it would be desirable to keep distinct the question of planting new forests from the conservation of old forests; but the more he had looked into the matter, the more he had felt the fallacy of any such separa- tionthe more he had recognized that forestry com- prehended just as much of making the best use of existing forests as of creating new ones.
The paper laid on the table contained all the information on the subject of State forests that could be found available, not only in reference to the forests of other countries, but also as to those of New Zealand, and what had been done respecting them. One part of the paper contained reports of debates on the subject, that had taken place in the New Zealand Assembly; another part contained re- ports from the provinces, and from the Australian Colonies, which had been presented to the House at former times, which he considered it desirable to collect under one volume. And again, there was the report of Captain Walker, of Madras. This report, a copy of which had been sent to him from India, had attained a world-wide celebrity. Another paper he had laid on the table was recently presented to the United States Congress by the Association for the Advancement of Science, which he had only received within the last two or three days, and there- fore had not been able to have it printed.