Pukapuka 1, Nama 11
18421001

whārangi 42  (4 ngā whārangi)
titiro ki te whārangi o mua40
43titiro ki te whārangi o muri


Tirohia ngā kupu whakataki o tēnei niupepa

 
kahore, kei nga po-ngaki ano ka ngaki, kei te po-wakato ka wakato i a koutou aha ranei, kei nga ra i watea ai koutou te ngaki, he aha te taiepa ai i tetahi kan ma koutou? ka wakapai, ka ngakia, ka wakatokia ki te aha ranei, mehemea kua rite tenei, he aha te hanga i te tahi ahi kohua mo roto, e wakapaipairia he kari o mua mai o te whare, kia kohua rangatia ai koutou ae kia haere ake ki to te wakapono tu ano, kei ki koutou, no te wakapono tahi te Mangere no te rewara ano te Mangere, E kore koutou e titiro ki nga kari o nga pakeha ki o ratou whare ano hoki, he aha i kore ai te tahi ma koutou pena? Na te mangere ra hoki, e kore au e mea, me wharepapa, me mea, kahore e pai ano te whare raupo raia ko tona ahua, kia pai. (Ki tetahi Nuipepa atu, ka korero ano)

[HE KORERO TENEI KIA MOHIO AI NGA TANGATA I TE RITENGA O TE TANGATA E MEINGA ANA HEI KAI WAKAAE MO TE PUTANGA O TE HEREHERE ]

Ko ta te rangatira i tena wehi ai ko te whare herehere, he mea whakaheke hoki mo te tupu o te tangata. Heoi ano nga mea e whiua ki reira ko nga tutua nei nga kai mahi hoki i te kino. Otua e mahi te rangatira te kino, ina, e kore e tohungia ahakoa rangatira Pakeha, ahakoa rangatira tangata maori e whakawakia ngatahitia. Na e mau tetahi tangata kahore nei i kitea noatia tona he, he mea tupato kau ka mea mai te kai whakarite me haere mai taua tangata a te tahi ra e whakaritea e ia. Ka tahi ka tikina e taua tangata e whakapaea nei etahi tangata hei whakaae mona kia tukua a-ma raua e mea kia hoki mai taua tangata i te ra e noho ai nga kai whakarongo. Ka kore ia e hoki mai kia whakawakia, ka roa ranei kihai tae mai i tino haura i whakaritea katahi ka tikina nga tangata tokorua he whakaae ra ki a ia kia tukua na tangohia mai ana i a raua etahi moni ehia ranei, e hia ra nei, hei utu mo taua tangatia i ngaro nei ki te wakawakanga. Na kua mau a Poho tangata a Kati he whakapae pupuhi hoiho a ka meatia kia whiua ki te whare herehere katahi ka puta mai etahi tangata tokorua ko nga Tawara raua ko Kahawai ka mea tuku atu tena tangata kia haere kei a maua te whakaaro mona kia hoki mai, ina, noho te kai whakarongo na ka whakaritea mai ae ka kore tenei tangata e puta mai i te 7o Huri, na ka tangohia i te tahi i te tahi o korua nga pauna moni e rua te kau ma rima, na te noho au nga o te tino kai whakarongo karanga noa E Poho!E Poho! Ka kore a Poho te puta mai na ka mea te tino ka whakarongo heoti ano me tango nga moni tuku i whakaritea.

Otua i whakaaro ano te tino kai whakarongo he poauau u ana no te kai wakamaori kihai ia i mohio ki te tino takanga o te wati e noho ai te tino kai whakarongo na ka mea ia kaua hoki ra e tohea ana moni i enei tangata e ngari a mua e roa te tangata e whakaritea kia haere mai kia whakawakia ina me tango nga moni i tukua ai kia haere heoi taku korero.