Nama 65
19190531

whārangi 3  (12 ngā whārangi)
titiro ki te whārangi o mua2
4titiro ki te whārangi o muri


Tirohia ngā kupu whakataki o tēnei niupepa

 

Te Kopara.

 

NAMA 65. GISBORNE. MEI 31, 1919

" Iti te Kopara, kai takirikiri ana i runga i te Kahikatea."

 

Te Hui Aroha.

(He mea tuhi mo te Kopara na Takuta Wi Repa).

 

INA tenei iwi e tau nei i te marae, ko nga kakahu, ko te reo, ko nga ngahau, ko nga mahi kai, ko nga hokohoko ko nga whakatangitangi, ko nga raiti hiko, he rite katoa ki te pakeha; ko te kiri anake i rereke. Te nui o te moni.

 

I te marae etahi tangata Maori, Upoko o te Kawanatanga Minita o te Paremata, Roia o te Hupirimi Kooti, Minita o te Hahi, Takuta, Apiha Whawhai i piki ki runga o nga Apiha pakeha i nga whakamatautau; otira ka kaha ano ranei tatau ki te ki he iwi tika te Maori, kei te pai tona haere, kei te rite ki te pakeha?

 

Ki toku whakaaro e kore tatau e kaha. He aha te take i kore ai? Ma ia tangata whai-mahara tana whakahoki mo tenei patai. Anei toku mahara poto. He kore maramatanga no te iwi -maramatanga o nga kareti, he kore e pupu i nga kaha kia kotahi. Kei te pai nga kopura o te iwi. To tatau mate he tu takitahi no nga mea marama o te iwi. He whaiti no nga maramatanga ki tetahi hunga anake. Ko nga reo o nga kai-arahi kaore ano i whakakotahitia hei reo kotahi mo te iwi. He tino tawhiti rawa nga mea marama ki mua i nga mea o muri mai. Ko te reo o nga mea marama he reo i te koraha - ano he pihoihoi mokemoke.

 

Tena, he mea pehea i hake ai nga mea o runga ki runga. He aha te arowhata o era ? Taua arowhata ko te matauranga. Ma nga kura nunui e homai tenei arowhata. He arowhata tenei e tuwhera ana ki nga tangata katoa, ki nga rangatira, ki te ware, ki te Kingi, ki te powhara. Nga iwi katoa o te ao kua eke kei runga, na te Kura i riiwa ki runga. kei runga ake nga roro o te tangata i tona tana kikokiko. Na tenei huarahi a Tiamana, a Tiapani, a Amerika, a Ingarani i piki ai: ara nga iwi katoa o Iuropi. Na te pehi o nga rangatira o Ruhia i te hunga o raro kei whiwhi ki te matauranga i heke ai ki raro.

 

E ki ana te kauwhau a Peneti i te hui: - " Ko ia e whakahonore ana i a ahau ka whakahonoretia e ahau." Na tenei pakanga i whakaatu ko nga iwi i whakahonore ki te Atua